«Саха хоһооно» улуустааҕы поэзияны ааҕааччылар күрэстэрэ ситиһиилээхтик түмүктэннэ.

Арассыыйаҕа Норуоттар сомоҕолоһууларын, Саха Өрөспүүбүлүкэтигэр Култуура, Хаҥалас улууһугар сомоҕолоһуу сылларыгар анаан, ону тэҥэ төрөөбүт тыл уонна сурук-бичик күнүнэн, Саха норуотун суруйааччыта П. Н. Харитонов-Ойуку 85 сааһын туолуутугар сөп түбэһиннэрэн, «Саха хоһооно» улуустааҕы поэзияны ааҕааччылар күрэстэрэ ситиһиилээхтик түмүктэннэ.

Бу күрэс саха литературатыгар дьон интэриэһин көбүтэр, улуус олохтоохторун саха норуотун сиэрин-майгытын, духуобунай сыаннастарын кытта чугастык билсиһиннэрэр соруктаах ыытылынна. Быйыл уон үһүс төгүлүн ыытыллар күрэххэ орто оскуола үөрэнээччилэрэ уонна улахан дьон кытыннылар. Барыта 25 видеоролик киирдэ.

Кыттааччылар саха поэттарын хоһооннорун өйдөрүттэн ааҕан, этигэнник толордулар. Ону сэргэ, толорууларыгар музыканы, дэкэрээссийэлэри уонна көстүүмнэри туттан, көрөөччүлэргэ умсугутуулаах уһулуктары бэлэхтээтилэр. Хас биирдии күрэхтэһээччи саха тылын күүһүн, кэрэтин арыйан, норуот духуобунай баайын өссө үрдүк таһымҥа таһаарда.

Күрэх үлэлэрин дьүүллүүр сүбэ ирдэбиллээхтик сыаналаата, кинилэр састааптарыгар: Ющенко Анастасия Федотовна-Алгыстаана – поэтесса, «Өлүөнэ долгуннара» литературнай кулууп чилиэнэ; Максимова Изолдьа Степановна – Хаҥалас улууһун култуура уонна духуобунай сайдыы управлениетын сүрүн исписэлииһэ; Прокопьева Мария Анатольевна – оройуоннааҕы оҕо модельнай библиотекатын библиотекара.

Түмүгэр маннык миэстэлэр таҕыстылар:

Начаалынай кылаас үөрэнээччилэрин ортолоругар:

I миэстэ – Севостьянов Айсан, Покровскай 1№-дээх орто оскуолатын 3 «б» кылааһын үөрэнэччитэ

II миэстэ – Рассыпаева Надя, Покровскай 3№-дээх орто оскуолатын 2 «а» кылааһын үөрэнэччитэ

III миэстэ – Слепцов Айсан, Покровскай 2№-дээх орто оскуолатын 2 «б» кылааһын үөрэнэччитэ, салайааччы – Пахомова Лариса Дмитриевна.  

Анал ааттар:

«Кэскиллээх ааҕааччы» анал аат – Афонская Алиса, Покровскай 3№-дээх орто оскуолатын 2 «а» кылааһын үөрэнэччитэ  

«Иэйиилээх ааҕааччы» анал аат – Федотова Майя, III Малдьаҕар орто оскуолатын 4 кылааһын үөрэнэччитэ

Студеннар ортолоругар:

I миэстэ – Григорьев Константин, «Айтыын» цифровой технология колледжын устудьуона, салайааччы – Гаврильева Матрена Егоровна.

II миэстэ – Акимова Аяна, «Айтыын» цифровой технология колледжын устудьуона, салайааччы – Гаврильева Матрена Егоровна.

Улахан дьон ортотугар:

I миэстэ – Абрамова Лидия Николаевна, Мохсоҕоллоохтооҕу кырдьаҕастарга уонна инбэлииттэргэ аналлаах социальнай хааччыйыы анал дьиэтэ

II миэстэ – Павлова Татьяна Николаевна, «Саргы Түһүлгэтэ» култуура уонна норуот айымньытын киинин үлэһитэ

III миэстэ – Данилова Оксана Николаевна, Мохсоҕоллоохтооҕу кырдьаҕастарга уонна инбэлииттэргэ аналлаах социальнай хааччыйыы анал дьиэтэ

«Истиҥник ааҕааччы» анал аат – Капитонова Наталья Петровна, III Малдьаҕар орто оскуолатын английскай тылын учуутала

Коллективтар ортолоругар:

I миэстэ – 5 Малдьаҕар орто оскуолатын үөрэнээччилэрин коллектива, салайааччы – Васильева Туйаара Николаевна.

II место – Покровскай 3№-дээх орто оскуолатын 10 кылааһын үөрэнээччилэрин коллектива

III место – Покровскай 2№-дээх орто оскуолатын 2 «б» кылааһын үөрэнээччилэрин коллектива, салайааччы – Пахомова Лариса Дмитриевна.

Улахан дьоҥҥо I миэстэ – Покровскай 3№-дээх орто оскуолатын учууталларын коллектива

Күрэх бары кыттааччыларыгар электроннай туоһу суруктар, кыайыылаахтарга диплом уонна бириистэр бэриллэллэр.

Маннык тэрээһиннэр төрөөбүт тылбыт уонна литературабыт үйэлэргэ умнуллубаттыы сайдалларыгар улахан төһүү күүс буолаллар. Кыттааччыларга барыларыгар барҕа махталбытын тиэрдэбит! Айар үлэлэригэр, олохторугар ситиһиилэри баҕарабыт!